Оқиғаға куә болған 1987 жылы туған жергілікті тұрғын, еркін күрестен белгілі бапкер Нұрбол Бердіғалиев, қызды құтқару үшін еш ойланбастан құдыққа түскен. Алайда ол да сыртқа шыға алмай, тұншығып қалған болуы мүмкін.
Құтқару қызметі оқиға орнына дереу жетіп, екеуін де ес-түссіз күйде құдықтан алып шықты. Оларға алғашқы медициналық көмек көрсетілгенімен, өкінішке қарай, дәрігерлер олардың өмірін сақтап қала алмады.
Марқұм Нұрбол Бердіғалиевтің ерлік әрекеті ел ішінде үлкен резонанс туғызды. Ол туралы "Auyl sport" жобасының жетекшісі Ғалымбек Жақсылық әлеуметтік желідегі парақшасында жазба жариялап, бапкердің өмірінің соңына дейін ерлік пен адамгершілік танытқанын атап өтті.
