Бүгін, 17:03
Тележүргізушінің айтуынша, ол «Хабар» арнасында жұмыс істеп жүрген кезде ер адамның ниетін аңғарған. Бірақ қарым-қатынастары ер адам бұрынғы отбасылық міндеттемелерінен босап, шешім қабылдағаннан кейін ғана басталған.
Тележүргізуші Дана Нұржігіт жеке өмірі мен отбасылық қарым-қатынасы туралы ашық айтып, кезінде отбасылы ер адамның өзіне көңіл білдіргенін еске алды. Алайда ол біреудің көңілдесі болудан үзілді-кесілді бас тартқан, деп хабарлайды kznews.kz.
«Мен бірден айттым: мен көңілдес болуға жарамаймын. Мен ондай қарым-қатынаста нюанс бар дегенді түсінбеймін. Ол мен үшін не ақ, не қара болу керек», – деді Дана Нұржігіт.
Сондай-ақ ол ұлы Әлім кішкентай болған кезеңде де өз ұстанымынан айнымағанын айтты. Тележүргізуші ешкімге тәуелді болмай, баласын өз күшімен өсіруге дайын екенін жеткізген.
«Мүсәпір болғым келмейді, өз күнімді өзім көре аламын. Мен ешкімге қол жаюға, өзімнің өмірімді сондай жағдайға жеткізуге жол бермеймін. Ол жағынан мен өте намысты адаммын», – деп бөлісті ол.
