Ақтөбе облысында 23 жастағы жас педагогтың қаза болуына байланысты қылмыстық іс қозғалып, сотқа дейінгі тергеу басталды, деп хабарлайды Politico.kz.
Алдын ала ақпаратқа сәйкес, мұғалім өзіне қол жұмсаған болуы мүмкін. Алайда оны мұндай қадамға не итермелегені әзірге белгісіз.
Марқұм Темір ауданы Алтықарасу ауылдық округіне қарасты Еңбекші мектебінде тарих пәнінен сабақ берген. Әріптестері оның жұмысына жоғары баға беріп, бірнеше күн бұрын ғана ашық сабақ өткізгенін айтады.
Аталған факті бойынша Темір аудандық полиция бөлімі тергеу амалдарын жүргізіп жатыр. Құқық қорғау органдары оқиғаның барлық мән-жайын анықтауға кіріскен.