Бүгін, 12:14
Ақтау қаласында әйел көпқабатты тұрғын үйдің 9-қабатынан құлап, көз жұмды. Қайғылы жағдай 4-шағын аудандағы №10 үйде болған, деп хабарлайды kznews.kz.
Оқиғаға қатысты Маңғыстау облысының полиция департаменті қылмыстық іс қозғады. Қазіргі уақытта тәртіп сақшылары оқиғаның барлық мән-жайын анықтап, тиісті тергеу жұмыстарын жүргізіп жатыр.
Полиция мәліметінше, әйелдің биіктен құлауының себептері мен өлімге әкелген жағдайлар қарастырылуда. Тергеу барысында бірнеше нұсқа тексеріліп жатыр. Солардың бірі – суицид.
Құқық қорғау органдары әзірге оқиғаның өзге де мән-жайларын жариялаған жоқ.
Тергеу қорытындысы бойынша қайғылы оқиғаның нақты себептері анықталады.
