Бүгін, 10:20
IRNA агенттігінің хабарлауынша, АҚШ пен Израиль тарапынан жасалған зымыран соққысы салдарынан Иранның Минаб қаласында 85 мектеп оқушысы қыз қаза тапқан, деп хабарлайды kznews.kz.
Зымыран Минабтағы қыздарға арналған бастауыш мектеп ғимаратына түскен. Иранның Білім министрлігі өкілінің айтуынша, тағы 92 адам түрлі деңгейде жарақат алған.
Әли Фархади қираған нысанда құтқару жұмыстары әлі де жалғасып жатқанын, үйінділерді аршу және зардап шеккендерді іздеу шаралары жүргізіліп жатқанын мәлімдеді.
Иран Сыртқы істер министрі Аббас Арагчи шабуылдың сабақ уақытында, күндіз жасалғанын айтты.
Қызыл Жарты ай ұйымының дерегіне сәйкес, 28 ақпандағы соққылар нәтижесінде Иран бойынша жалпы 201 адам қаза тауып, 747 адам жараланған. Шабуылдар елдің 24 провинциясын қамтыған.
