15 маусым, 2026
Reuters мәліметіне сәйкес, АҚШ пен Иран соғысты тоқтату жөнінде алдын ала келісімге келген. Тараптар АҚШ-тың Иран порттарына қатысты енгізген бұғаттауларын алып тастауға және Ормұз бұғазын қайта ашуға келіскені хабарланған, деп хабарлайды kznews.kz.
Келісім туралы АҚШ президенті Дональд Трамп өзінің Truth Social парақшасында жазған. Оның айтуынша, құжат жұма күні Швейцарияда ресми түрде рәсімделуі тиіс. Сонымен қатар Пәкістан премьер-министрі Шахбаз Шариф те келісім жасалғанын растаған.
Алдын ала келісім барлық әскери қақтығыстарды, соның ішінде Ливандағы ұрыстарды да тоқтатуды көздейді. Иранның Жоғарғы ұлттық қауіпсіздік кеңесі де әскери әрекеттер дүйсенбіден бастап толық тоқтатылатынын мәлімдеген.
Трамптың айтуынша, Ормұз бұғазы жұма күні қайта ашылады. Осы хабардан кейін әлемдік мұнай нарығында баға төмендеген: Brent шамамен 4%-ға, ал WTI 4,6%-дан астам арзандаған.
Соған қарамастан, келісім Иранның ядролық бағдарламасы мәселесін толық шешпейді. Бұл тақырып алдағы 60 күндік бітім кезеңінде талқыланбақ.
Иран тарапы да кең ауқымды келісім аясында санкцияларды жеңілдету және бұғатталған активтерді босату мәселелері қарастырылатынын айтқан.
Reuters деректерінше, келіссөздер барысында Иранның байытылған ураны, ядролық бағдарламаны шектеу және қаржылық активтер мәселелері негізгі талқылау тақырыптарының бірі болмақ.
