«Алматы – Екатеринбург» автожолының 135-шақырымында екі автокөлік соқтығысып, ауыр жол-көлік оқиғасы болды, деп хабарлайды kznews.kz.
Жол апаты салдарынан соққы қатты болып, жүргізушілердің бірі көлік салонында қысылып қалған.
Оқиға орнына жедел жеткен Ақмола облысы Төтенше жағдайлар департаментінің мамандары дереу құтқару жұмыстарын бастады.
– Құтқарушылар арнайы құралдардың көмегімен зақымданған есікті абайлап ашып, зардап шеккен адамға қосымша ауырсыну келтірмеуге тырысты, – деп хабарлады ТЖМ баспасөз қызметі.
Зардап шеккен азамат жедел жәрдем қызметіне тапсырылып, дәрігерлердің бақылауына алынды.