Бүгін, 11:24
Кеше Ақмола облысындағы «Астана – Қорғалжын» автожолында қайғылы жол апаты болды. Үш көлік соқтығысып, соның салдарынан бес адам қаза тапты, деп хабарлайды kznews.kz.
Апат туралы ақпарат Instagram желісіндегі 716.kz парақшасында жарияланған. Онда қайғылы жағдай жексенбі күні күндіз осы тасжолда болғаны, нәтижесінде қаза тапқандар мен жарақат алғандар бар екені айтылған.
Өңірлік полиция департаментінің мәліметінше, 21 маусым күні «Астана – Қорғалжын» автожолында Kia, Toyota Fortuner және Toyota Land Cruiser көліктері соқтығысқан.
Соқтығыстан кейін Toyota маркалы екі көлік өртеніп кеткен.
«Алдын ала мәліметтер бойынша, жол-көлік оқиғасы салдарынан бес адам қаза тауып, тағы бес адам түрлі жарақаттармен медициналық мекемелерге жеткізілді. Қазіргі уақытта аталған оқиға бойынша сотқа дейінгі тергеп-тексеру амалдары жүргізілуде. Апаттың барлық мән-жайы анықталуда», – деп мәлімдеді Ақмола облысының полиция департаменті.
