Бүгін, 18:03
Атырау облысында екі автокөлік соқтығысып, жол-көлік оқиғасы салдарынан бір адам қаза тапты. Соққыдан кейін көліктердің бірі өртеніп кеткен.
Қайғылы оқиға Атырау – Индер облыстық маңызы бар тасжолының 17-шақырымында болған.
Алдын ала мәлімет бойынша, жолда Toyota Sienna және «Нива» маркалы автокөліктер соқтығысқан.
Қатты соққы салдарынан «Нива» көлігінің жүргізушісі ауыр жарақат алып, жедел жәрдем жеткенге дейін оқиға орнында көз жұмған.
Ал Toyota Sienna автокөлігі апаттан кейін отқа оранып, толығымен жанып кеткен.
Әлеуметтік желілерде жол апаты болған жерден түсірілген бейнежазба тарады. Кадрлардан көліктің жалынға оранғанын көруге болады.
Қазіргі уақытта полиция қызметкерлері жол-көлік оқиғасының себептері мен мән-жайын анықтап жатыр.
