Ынтымақ ауылында пышақ жарақатынан көз жұмған 14 жастағы қызды өлтірген күдікті ұсталды, деп хабарлайды kznews.kz.
Ішкі істер министрлігінің хабарлауынша, күдікті бір тәулікке жетпей Целиноград ауданының Родина ауылының маңында ұсталды.
"Қазіргі уақытта күдікті уақытша ұстау изоляторына қамалды. Тергеу іс-шаралары жалғасуда, болған оқиғаның барлық мән-жайы анықталады", - делінген ақпаратта.
Тергеу барысы полиция департаменті басшылығының ерекше бақылауында. Құқық қорғау органдары күдікті заңның барлық талабына сәйкес қатаң жазаға тартылатынын атап өтті.
Кәмелетке толмағандарға қатысты зорлық-зомбылыққа барынша қатаң түрде тосқауыл қойылады, ешқандай аяушылық болмайды.
