19 мамыр, 2020
Америкалық отбасы бағып алған қазақ баласы Өскемендегі ағасы мен әпкесін іздестіруде, деп хабарлайды Stan.kz ақпарат агенттігі.
Теодор Уолтон есімді бозбала бұл туралы Facebook-тегі парақшада жазба қалдырыпты. Сөзінше, ол 2001 жылы туған. Қазақстанда оның есімі Марат Тоқтарұлы Оразғалиев болған. Ал 2002 жылы оны америкалық ерлі-зайыпталар бағып алған.
"Мен Қазақстандағы отбасымның суреттерін тауып алдым. Мен Өскеменде туғанмын. Ағам мен әпкемді іздестіріп жатырмын. Олардың тегі Оразғалиев болуы керек. Егер қажет болса өзімнің биологиялық ата-аналарымның есімідерін атайын: Оразғалиева Жанар Ахметқызы, Оразғалиев Тоқтарбек Әлиұлы. Әрбір көмек қолы үшін алдын ала алғыс білдіремін", - дейді АҚШ азаматы.
Бұған қоса ол туған анасының қайтыс болғанын айтады. Бұл туралы бозбала өз бетімен ізденіп тауыпты.
Теодор АҚШ-тың Флорида штатында Пенсакол қаласында тұрады екен.
stan.kz
