Оқиға қаладағы тұрғын үй кешендерінің бірінде болған. Куәгерлердің айтуынша, қыз құлаған сәтте іш киіммен болған. Көршілер оның пәтерде құрбысымен бірге болғанын және екеуі алкоголь ішкен болуы мүмкін екенін айтқан.
Алматы қалалық полиция департаменті бұл дерекке қатысты тергеу бастағанын растады.
«Өзін-өзі өлтіруге оқталу фактісі бойынша Жетісу аудандық полиция басқармасы қылмыстық іс қозғады. Қазір оқиғаның барлық мән-жайы мен себептері анықталып жатыр», — деді ведомство өкілдері.
Дереккөздердің мәліметінше, қыз ауыр жарақат алғанымен, аман қалған. Ол қазір ауруханада дәрігерлердің бақылауында жатыр.
