Алматының Байзақов көшесінде автокөлік 7 жастағы ұл баланы қағып кетті.
Қайғылы жағдай бүгін 15:30 шамасында болған. Бала белгіленбеген жерден жолды кесіп өткен. Алған жарақат салдарынан оқиға орнында көз жұмған.
«Jetour автокөлігінің жүргізушісі Байзақов көшесінің бойымен солтүстік бағытта келе жатып, белгіленбеген жерден өтіп бара жатқан 7 жастағы ұл баланы қағып кетті. Соққыдан бала қарсы бағытта келе жатқан Hyundai көлігіне ұшып кеткен. Өкінішке қарай алған жарақатынан оқиға орнында қаза тапты», - деді полиция.
Аталған факті бойынша Алматы Полиция департаменті қылмыстық іс қозғаған.
фото: sn.kz (куәгерлер түсірілген сурет)
