Әйелдің айтуынша, дөнердің ішінен кеңсе пышағының ұшы табылып, оның баласының өміріне қауіп төнген. Ол бұл жағдайды әлеуметтік желіде жариялап, жауапты органдарды тексеру жүргізуге шақырды.
"Балам ұстараның сынығын байқамай жұтып қойса не болар еді? Мұндай салақтыққа жол беруге болмайды", – деп жазды тұрғын.
Ол мекеме иесін асүйдегі тәртіп пен қызметкерлердің жұмысын қатаң бақылауға шақырды.
Пікір қалдырған өзге қолданушылар да дәмхана сапасына наразылық білдіріп, бұған дейін тағамнан бөтен заттар табылғанын жазған.
Ал "Донер на Абая" өкілдері оқиғаны растап, тексеру жүргізілетінін мәлімдеді:
"Біз өнім сапасына жауапкершілікпен қараймыз. Қай күні және қай филиалда тапсырыс жасалғанын нақтылап, жағдайды мұқият тексереміз", – делінген ресми жауапта.