29 желтоқсан, 2018
Алматы тауларында адасып кеткен 35 жастағы Ресей Федерациясының азаматы табылды.
Алматы тауларында жоғалып кеткен Ресей азаматы табылды. Михаил Шабалин 28 желтоқсан күні таңертең тауға кеткен. Бұл туралы ҚР ІІМ Төтенше жағдайлар комитетінің баспасөз қызметі мәлім етті.
«Ресейлікті орманшы тапты, оны іздеуге құтқарушылар тобы шыққан болатын», -деді ТЖК.
Жақындарының айтуынша, ол Фурманов атындағы шыңға шықпақшы болған. Кешке қарай ол әйеліне хабарласып, адасып кеткендігін айтқан. Одан кейін телефоны өшіп қалған.
