Алматы облысында 26 жастағы қызды өлтірген күдікті ұсталды, деп хабарлайды kznews.kz сайты полицияға сілтеме жасап.
20 сәуір сағат 14:25 шамасында Алматы облысы полициясына Қарасай ауданының аумағында орналасқан қонақ үйлердің бірінен хабар түсті.
Онда қонақ үйден 26 жастағы азаматшаның мәйіті табылғаны айтылған.
Бұл жағдай ҚР ҚК 99-бабының 1-бөлігі - «кісі өлтіру» бойынша Қарасай ауданының полициясында тіркелді.
Тергеу кезінде аса ауыр қылмыс жасады деген күдікпен 34 жастағы П. есімді азамат ұсталды.
Күдікті қамауға алынды.
«ҚР ҚІЖК-нің 201-бабына сәйкес, өзге ақпарат жарияланбайды» дейді полициядан.
