15 қыркүйек, 2019
Оқиға
Қысқа сілтеме алу
Индустрия және инфрақұрылымдық даму министрлігінің баспасөз қызметі оқиғаның мән-жайы анықталып жатқанын хабарлады
НҰР-СҰЛТАН, 15 қыркүйек – Sputnik. Алматы облысындағы Шамалған станциясында пойыз автобуспен соқтығысты.
Алдын ала деректер бойынша, оқиға бүгін кешкі 19.20 кезінде Екатеринбург-Алматы тас жолында болған.
"Автобус жүргізушісі сигналға қарамастан, темір жолға шыққан. Салдарынан пойыз автобуспен соқтығысты", - деп хабарлады индустрия және инфрақұрылымдық даму министрлігінің баспасөз қызметі.
Оқиғаның мән-жайы анықталып жатыр.
sputniknews.kz
