21 наурыз, 2020
Қазақстанда коронавирус індетін жұқтырған тағы бір адам Алматы облысында тіркелді, деп хабарлайды Stan.kz ақпарат агенттігі.
"Қазақстанда 21 наурыздағы сағат 12:00-дегі жағдай бойынша коронавирус індетін жұқтырған тағы 1 адам Талдықорған қаласында тіркелді", - делінген денсаулық сақтау министрлігінің хабарламасында.
Бірақ кейіннен денсаулық сақтау министрлігі коронавирус ауруы Талдықорған қаласында емес, Алматы облысының Қарасай ауданында тіркелгенін хабарлап, ақпаратты өзгертті
Осы сағатта Нұр-Сұлтан қаласы бойынша 28 адам, Алматы қаласында – 22 адам, Қарағанды қаласында - 2, Талдықорған қаласында - 1 адам, жалпы 53 науқас тіркелді.
stan.kz
