19 қаңтар, 2023
Үкімет басшысы Әлихан Смайылов "Самұрық-Қазына" қорының директорлар кеңесінің төрағасы болып сайланды. Бұл туралы "Самұрық-Қазына" қоры Telegram-дағы ресми арнасында хабарлады.
"Қазақстан Республикасы үкіметінің қаулысына сәйкес "Самұрық-Қазына" АҚ директорлар кеңесінің төрағасы болып Қазақстан премьер-министрі Смайылов Әлихан Асханұлы сайланды", - делінген қордың хабарламасында. "Самұрық-Қазына" қорының мәліметінше, бұл лауазымды бұған дейін Джон Дудас иеленген. Ол қордың тәуелсіз директоры ретінде директорлар кеңесінде қалған.
