Коуч, айтыскер ақын Айнұр Тұрсынбаева немересіне қатысты ерекше оқиғаны бөлісті, деп хабарлайды kznews.kz.
Өнер иесінің айтуынша, ол адамның есімі өміріне ықпал етеді дегенге сенеді. Осы сеніммен немересіне Әлемдеген ат қойған. Айтуынша, балаға артқан ниет бір сәтте шындыққа айналғандай әсер қалдырған.
Айнұр Тұрсынбаеваның сөзінше, немересі ешқандай сценарийсіз әрі дайындықсыз iPhone-ды бассейнге лақтырып жіберген сәт видеоға түсіп, 50 миллион қаралым жинаған. Қарапайым көрінетін әрекет әлемнің назарын аударып, шетелдік көрермендерден мыңдаған пікір келген.
Өнер иесі бұл оқиғаның тіпті Абу-Дабидегі «Лувр» музейінің тарихында қалғанын да атап өтті. Айтуынша, Әлем лақтырған телефон музей қабырғасына ілініп, ерекше экспонатқа айналған.
Сонымен қатар, коуч бұл видеодан кейін Әлемнің ата-анасына әлемдік компаниялардан ұсыныстар түсе бастағанын, ал «Лувр» музейі отбасына тегін абонемент бергенін айтты.
Айнұр Тұрсынбаева мұның бәрін немересінің есімімен байланыстырып, «Әлем өз атына сай әлемнің есігін ашып келеді» деп түйіндеді.