Қазақстандық велошабандоз Алексей Луценко Жапонияда өтіп жатқан XX жазғы Азия ойындарында алтын медаль иеленді. Спортшы тасжолдағы велоспорттан ерлер арасындағы жекелей сында үздік нәтиже көрсетіп, Қазақстан қоржынына кезекті алтынды салды, деп хабарлайды kznews.kz.
Луценко жарыс барысында 41 минут 24,05 секунд нәтиже көрсетіп, мәре сызығын бірінші болып кесіп өтті. Осылайша қазақстандық спортшы Азия ойындарының чемпионы атанды.
Бұл – Қазақстан құрамасының Жапониядағы Азиадада жеңіп алған екінші алтын жүлдесі. Ал Алексей Луценко үшін бұл Азия ойындарындағы бесінші чемпиондық атақ болды.
Велошабандоз бұған дейін де құрлықтық додада бірнеше рет топ жарған. Ол 2014 жылы Инчхонда, 2018 жылы Джакартада және 2023 жылы Ханчжоуда өткен Азия ойындарында жалпы төрт алтын медаль жеңіп алған.
Осы жолғы жеңісімен Луценко Азия ойындарындағы алтын жүлделер санын беске жеткізді.
Айта кетейік, XX жазғы Азия ойындары 2026 жылғы 19 қыркүйек пен 4 қазан аралығында Жапонияның Айти префектурасы мен Нагоя қаласында өтеді. Биылғы құрлықтық дода «Imagine One Asia» («Біртұтас Азияны елестет») ұранымен ұйымдастырылып отыр.