Ақмола облысында қызметтік міндетін атқару кезінде жол апатына ұшыраған полиция капитаны Данияр Таев көз жұмды, деп хабарлайды kznews.kz
Алдын ала мәлімет бойынша, JAC маркалы пикаптың жүргізушісі жылдамдықты асырып, қауіпсіз арақашықтықты сақтамаған. Соның салдарынан полиция көлігімен соқтығысқан.
Жол апатынан ауыр жарақат алған полиция қызметкері ауруханаға жеткізілген. Алайда дәрігерлер оның өмірін сақтап қала алмады.
Оқиғаға байланысты қылмыстық іс қозғалды. JAC көлігінің жүргізушісі ұсталып, уақытша ұстау изоляторына қамалды.
Қазіргі уақытта жол-көлік оқиғасының барлық мән-жайын анықтауға бағытталған тергеу амалдары жүргізіліп жатыр.