11 наурыз, 2019
Оқиға
Қысқа сілтеме алу
Көші-қон қызметі бөлімінің қызметкері Өзбекстан азаматына тұру ықтиярхатын рәсімдеуге көмектеспек болған
АСТАНА, 11 наурыз – Sputnik. Түркістан облысында алаяқтық жасаған полицейге сот үкімімен 2,6 миллион теңге айыппұл салынды, деп хабарлайды Sputnik Қазақстан ұлттық қауіпсіздік комитетінің баспасөз қызметіне сілтеме жасап.
Ұсталған М.Жұмаділов – Түркістан облысы полиция департаменті Мақтарал аудандық полиция бөлімі көші-қон қызметі бөлімінің қызметкері.Баспасөз қызметінің ақпаратынша, ол былтыр 7 желтоқсанда 260 мың теңге мөлшерінде ақша алып жатқан жерінен ұсталған. Полицей Өзбекстан азаматы үшін тұру ықтиярхатын рәсімдеуге көмек көрсетпек болыпты.
Осы жылдың 25 ақпанында Мақтарал аудандық соты Жұмаділовті Қылмыстық кодекстің 190-бабы 3-тармағы 2-тармақшасы (алаяқтық) бойынша кінәлі деп танып, 2,6 миллион теңге айыппұл салды.
sputniknews.kz
