Айдана Меденова туған ағасымен бірге ән орындады (видео)

Әнші Айдана Меденова ағасы Ермек Меденовпен бір сахна төрінде ән орындап, көпшілікті тәнті етті.

  Ермек Меденова Instagram желісіндегі парақшасында қарындасы Айдана Меденовамен бірге ән шырқаған сәтінің видеосын жариялады. Олар көпшілікке танымал «Егіз-лебіз» әнін орындап шықты. Өз кезегінде желі қолданушылары ағасы мен қарындасының өнеріне жоғары баға берді.   «Сахнаның сәні», «Жарайсыңдар, керемет орындау», «Тамаша», – дейді пікір қалдырушылар. Айта кетсек, Айдананың туған ағасы Ермек Меденов өнерден алыс емес. Кезінде SuperStar KZ байқауына қатысқан ол бүгінде өнер саласында жүр.