Талдықорған қаласында Жетісу облысының қылмыстық істер жөніндегі мамандандырылған ауданаралық сотында Айзат Жұманованың өліміне байланысты қылмыстық іс қаралуда, деп хабарлайды kznews.kz.
19 желтоқсанда өткен сот отырысында тараптар іс материалдарын зерттеу барысында марқұмның ауруханаға түскен сәті түсірілген бейнежазбаны тамашалады.
Еске салсақ, қайғылы жағдай осы жылдың 22 маусымында Жетісу облысы Ақсу ауданына қарасты Баласаз ауылында болған. Тергеу нұсқасына сәйкес, Айзат Жұманова ауыр жарақаттармен медициналық мекемеге жеткізіліп, жансақтау бөлімінде қайтыс болған.
