26 қаңтар, 2019
Air India ұшағы жолаушының өзін жайсыз сезінуіне байланысты Астана әуежайына қонуға мәжбүр болды, - деп хабарлайды Tengrinews.kz тілшісі "Нұрсұлтан Назарбаев" әуежайының баспасөз қызметіне сілтеме жасап.
"Астана уаықтымен таңғы 07:30-да "Нұрсұлтан Назарбаев" халықаралық әуежайына Дели - Чикаго бағытымен ұшып бара жатқан Air India әуекомпаниясының әуе кемесі шұғыл қонуға мәжбүр болды. Себебі - ұшақтағы жолаушылардың бірі өзін жайсыз сезінген (астма диагнозы)", - делінген таратылған хабарламада.
Әйел адамды екі туысының сүйемелдеуімен қалалық № 2 ауруханасына жеткізді. Boeing 777 ұшағының бортында 341 жолаушы және 19 экипаж мүшесі болған.
"Нұрсұлтан Назарбаев" әуежайында ұшаққа жанармай құйып, техникалық бақылаудан өтті. Әуе кемесі Астана әуежайынан 12:03-те Чикагоға ұшып кетті.
