Бүгін, 12:15
Алматыдан Астанаға бағыт алған FlyArystan ұшағы елорда әуежайына бірден қона алмады. Экипаж екінші айналымға кету туралы шешім қабылдағаннан кейін әуе кемесі Астана әуежайына сәтті қонды. Алайда жолаушылар ұшу барысынан қатты қорыққанын айтты, деп хабарлайды kznews.kz.
Әуе компаниясының мәліметінше, экипаж мұндай шешімді ауа райының өзгеруіне байланысты қабылдаған. Ұшақ қайтадан қонуға әрекет жасаған соң ешқандай оқиғасыз Астана әуежайына қонды.
FlyArystan өкілдері әуе кемесінде ешқандай техникалық ақау болмағанын атап өтті. Авиацияда ұшақтың екінші айналымға кетуі – қауіпсіз қонуға қажетті жағдайлар талапқа сай келмеген кезде қолданылатын қалыпты рәсім.
