Бүгін, 09:10
Айтыскер ақын Айнұр Тұрсынбаева келінінің туған күніне орай ерекше сый жасап, оған жаңа автокөлік тарту етті, деп хабарлайды kznews.kz.
Қуанышты жаңалықты ақын өзінің әлеуметтік желідегі парақшасында жариялаған. Ол келінінің 26 жасқа толуына байланысты осындай тосынсый жасағанын айтты.
Сонымен қатар, Айнұр Тұрсынбаева келініне ақжарма тілегін арнап, жүрекке жылы сөздер жазды. Ол құда-жекжатқа алғысын білдіріп, келініне бақытты өмір, берекелі отбасы тіледі.
Бұл жаңалық желі қолданушыларының көңілінен шығып, көпшілік ақынның жомарттығына ризашылығын білдірді. Пікір жазғандар оның кең пейілін жоғары бағалап, ізгі тілектерін жолдады.
