21 қараша, 2025
Ақтөбеде бірнеше күн бойы хабарсыз кеткен ерлі-зайыпты Аманжол Алмағанбетов пен Гүлжахан Шектібаеваның денелері қала шетінен табылды, деп жазады Skifnews.kz.
40 жастағы отбасы мүшелерін туыстары мен еріктілер іздеп жатқан еді. Олар 41-разьездегі үйлерінен шығып кеткен соң байланысқа шықпаған
Полицияның мәліметінше, 1986 жылы туған әйелдің денесінен зорлық белгілері анықталған. Ал оның күйеуі жақын маңнан асылған күйінде табылған.
"Полиция 1986 жылы туған әйелдің зорлық белгілері бар денесі табылуына байланысты қылмыстық іс қозғады. Одан кейінгі іс-шаралар барысында күйеуі асылып тұрған күйінде табылды. Оқиға орнында жедел тергеу тобы жұмыс жүргізіп жатыр. Қажетті процестік әрекеттер жасалып, аумақ тексеріліп, заттай дәлелдемелер жинақталып жатыр. Тиісті сот-медициналық сараптамалар тағайындалды", — деп хабарлады облыстық ПД баспасөз қызметі.
