Бүгін, 11:40
Белгілі продюсер Баян Алагөзова «Қыз Жібек» фильміндегі аңызға айналған камзолға қатысты дауға пікір білдіріп, оның болашағына қатысты жоспарын ашық айтты, деп хабарлайды kznews.kz.
Көптеген арудың арманына айналған бұл тарихи жәдігерді продюсер бірден музейге өткізуді көздемейтінін жеткізді. Оның айтуынша, камзол алдымен отбасылық маңызды шарада қолданылмақ.
Алагөзова бұл киімді кенже қызы Айару Алагөзованың ұзату тойында кигізуді жоспарлап отырғанын айтты. Тек осыдан кейін ғана жәдігерді музейге ресми түрде табыстауды көздеп отыр.
Продюсер бұл шешімін дәстүр сабақтастығы мен ұлттық құндылықтарды дәріптеудің бір көрінісі ретінде бағалайды.
Қазіргі таңда бұл мәлімдеме әлеуметтік желіде қызу талқыланып, қолданушылар камзолдың алдағы тағдырына қатысты әртүрлі пікір білдіруде.
