Адвокат Талғардағы көшелердің біріне Шерзат Полаттың есімін беруді ұсынды

Бұл туралы Қаржаубай Нұрымовтың адвокаты Мейірман Шекеев мәлімдеді. Оның айтуынша, ол Талғар әкімдігіне ұсыныс жасап, қанды оқиға болған көшелердің бірін марқұмның атымен атауды сұраған.

«Менделеев пен Руставели көшелері қазаққа еңбегі сіңген тұлғалардың аты емес. Сондықтан осы көшелердің бірін Шерзат Полаттың есімімен атауды ұсындым. Әкім қолдау білдіретінін айтты», – деді адвокат.