Ерлан Қариннің идеологиясы бойынша Дариға Назарбаева құрған "Асар" партиясының да болашағы ұзаққа бармады. Енді халықтың сенімі мен билікке ие болған уақытта "Нұр-Отан" оны да жұтып алды. Дәл сол сияқты, сайлау алдында өте белсенді жұмыс жасаған "Адал" партиясының тағдыры да айна-қатесіз алдыңғыны қайталап берді. Осы тақырып төңірегінде журналист "HARD-talk" бағдарламасының кейіпкерлеріне:
"Оның құрамында Мақсат Толықбай, Дәулет Мұқаев сияқты азаматтарымыз бар еді. Бұл бір сценарий сияқты көрінді. Сайлау кезінде Нұр-Отан партиясының жанынан құрылған комиссияда "Адал" партиясының саяси бюросының мүшелері жүрді.Халықтың сенімімен, көңілімен ойлау, қазақты мазақ ету деп санамайсыз ба?" - деп сұрады.
ҚР Парламент мәжілісінің депутаты Ерлан Саиров бұл сауалға:
"Партия жұтып қойды, тартып алды деген термин дұрыс емес. Негізі саяси процесс екі нәрсеге бағынады: норма және процедура. Мен өз басым Адал партиясының неге ондай инициатива жасағанын білмеймін, бірақ олар өз еркімен өз бюросын, өз сьезін өткізді. Бұл біздің заңдарға сәйкес келеді", - деп қысқа жауап берді.
Ал Мұхтар Тайжан:
"Адал партиясы жасанды еді. Ол олигархтардың партиясы. Тіпті бір кездері жерді жекеге сатуға дайын болды", - деп пікір білдірді.
(фото: Tengrinews.kz)
