27 тамыз, 2025
Сот барысында күдіктіге эпилепсия диагнозы қойылғаны белгілі болды. Ол «Д» санаты бойынша есепте тұрған, яғни ұстамасы жиі қайталанатын науқастар қатарына жатады. Осыған байланысты сот оның жүргізуші куәлігінің қолданылуын уақытша тоқтату туралы шешім қабылдады. Егер жүргізуші ауруынан айыққанын дәлелдеп, сараптама қорытындысымен растаған жағдайда шешім қайта қаралуы мүмкін. Әйтпесе ол куәлігінен айырылады.
Еске салсақ, қайғылы оқиға 19 тамызда болған еді. Көлік соққысының салдарынан үш бала көз жұмып, тағы үшеуі жарақат алды. Жараланған екі бүлдіршін санитарлық авиациямен Астанаға жеткізіліп, №2 көпбейіндібалалар ауруханасына жатқызылды. Тағы бір бала Семейге әуе тасымалымен жеткізіліп, қазір анестезиология және реанимация бөлімінде ем қабылдап жатыр. Дәрігерлер оның жағдайын тексеруден кейін ғана тасымалдауға жарамды деп таныған.
Жүргізуші ұсталып, қамауға алынды. Медициналық сараптама жол апаты кезінде оның мас күйде болмағанын көрсетті.
