Абай облысында әскери техниканы пайдалану кезінде қауіпсіздік талаптарының бұзылуы салдарынан келісімшарт бойынша әскери қызметші қаза тапты, деп хабарлайды kznews.kz.
Ресми мәліметке сәйкес, қайғылы оқиға 5 наурыз күні болған. Әскери қызметші жарақат алып, алған жарақатынан көз жұмған.
Аталған факт бойынша сотқа дейінгі тергеп-тексеру басталды. Қазіргі уақытта оқиғаның барлық мән-жайы анықталып жатыр. Оқиға орнында құзырлы органдардың өкілдері жұмыс істеуде.
Абай гарнизоны қаза тапқан әскери қызметшінің туған-туыстары мен жақындарына белгіленген тәртіпке сәйкес қажетті көмек көрсетілетінін мәлімдеді.