28 наурыз, 2020
Алты мыңнан астам қазақстандық коронавируспен ауыратын науқастармен байланыста болды. Бұл туралы ақпарат және қоғамдық даму министрі Дәурен Абаев мәлімдеді, деп хабарлайды Stan.kz ақпарат агенттігі.
Ол соңғы мәліметтер бойынша Қазақстанда 204 адам вирус жұқтырғанын еске салды.
"Олармен алты мыңнан астам адам байланысқа шықты, олардың 95 пайызы анықталды", - деді Абаев.
Сонымен қатар ол 1899 адам тұрақты карантинде, ал 3,5 мыңнан астам адам үйде екенін айтты.
Сондай-ақ, министр өз сөзінде Шымкентте COVID-19 жұқтырған науқастың жеке деректерін таратқан адамдарды іздестіріп жатқанын айтты.
Дәурен Абаевтың айтуынша, Қазақстанда төтенше жағдайлар мен карантин режимінің ережелерін сақтағысы келмейтін адамдардың немқұрайлылығына байланысты төсек жетіспеушілігі болуы мүмкін.
stan.kz
