Жүргізушісіз қозғалатын LRT құрамдары толық автоматтандырылған GoA4 жүйесімен жабдықталған. Ол пойыздың қозғалысын, есіктердің ашылып-жабылуын, деподан шығуы мен жуу жұмыстарын операторсыз атқарады. Мұндай жүйе Сингапур, Дубай және Қытайда қолданыста бар.
Сынақ алты айға созылып, алғашқы кезеңде №112–№113 станциялары арасында өтеді. Алдымен пойыздар 10 км/сағ жылдамдықпен жүріп, кейін қозғалыс қарқыны мен арақашықтық біртіндеп артады.
