25 қыркүйек, 2025
Әлеуметтік желіде қазақ таеквондосының негізін қалаушы, спорт шебері Мұстафа Өзтүріктің 1995 жылы тарихи Отанына жасаған сапарынан бейнежазба жарияланды.
Бұл кадрларда әйгілі спортшының Абай облысына қарасты Мақаншы ауданындағы ата-бабаларының жеріне алғаш табан тіреген сәті көрсетілген. Ол сапарында Әсет Найманбаев музейіне барып, жергілікті халықпен кездескен, бабалар рухына тағзым етіп, туған топырақты басқан.
Мұстафа Өзтүрік – Түркияда өссе де жүрегі қазақ деп соққан, 1990 жылдары Қазақстанға келіп, таеквондоны дамытып, ұлттық рухты асқақтатқан тұлға.
