Бүгін, 19:35
Жапонияда 21 жастағы студент қыз өзімен қарым-қатынаста болған ер адамның туған әкесі екенін кейіннен білген, деп хабарлайды kznews.kz Tokyo Reporter-ге сілтеме жасап.
Вакана Сонобе университетке түскеннен кейін 48 жастағы ауқатты ер адаммен танысады. Олардың таныстығы тез арада жақын қарым-қатынасқа ұласып, кейін қыз жүкті болып қалады.
Арада екі жылға жуық уақыт өткенде ғана ер адамның оның туған әкесі екені анықталады. Қыздың анасы оны 17 жасында дүниеге әкеліп, жалғыз өзі тәрбиелеген. Ал биологиялық әкесі бала кезінде тек материалдық көмек көрсеткенімен, аралас-құралас болмаған.
Қыз ер адаммен «папакацу» форматындағы танысу арқылы кездескені айтылады. Яғни орта жастағы ер адам жас қызға қаржылай көмектеседі. Екеуі де туыстық байланыс бар екенін білмеген.
Вакана ер адамды анасымен таныстырған кезде шындық ашылады — анасы оны бірден танып қойған.
Осыдан кейін қыз жүктілігін үзіп тастаған. Оның айтуынша, шындық белгілі болған соң қарым-қатынас та, сезім де күрт өзгерген.
Қазіргі уақытта Вакана университетті аяқтауда және болашақта өз бетінше өмір сүруді жоспарлап отыр. Ол әкесімен байланысын толық үзу мүмкіндігін де қарастырып жүр.
