Бүгін, 16:16
Каспий теңізінің жағалауында жүргізілген іздеу-құтқару операциясы аяқталды. Құтқарушылар достарымен демалып жүргенде, өзінің туған күнінде жоғалып кеткен 18 жастағы Азамат Дүйсехановтың денесін тапты, деп хабарлайды Lada.kz.
Маңғыстау облыстық Төтенше жағдайлар департаментінің мәліметінше, іздеу-құтқару жұмыстары Каспий теңізі жағалауының шомылуға арналмаған аумағында жүргізілген.
Жас жігіттің денесі бүгін, 15 шілдеде Ақтау қаласынан 51 шақырым қашықтықтан табылды. Оның денесі жағалаудан шамамен 10 метр жерде болған.
Құтқарушылар мәйітті судан шығарып, полиция қызметкерлеріне тапсырды.
