Бүгін, 11:28
Қырғызстанның Ыстықкөл облысы Ақ-Суу ауданында қайғылы оқиға орын алды. Бұл туралы Kaktus.media басылымы хабарлады.
Алдын ала мәлімет бойынша, 25 ақпан күні 1985 жылы туған жергілікті тұрғын милицияға хабарласып, 2009 жылы туған қызының 16 апталық жүкті екенін мәлімдеген. Осыдан кейін құқық қорғау органдары кәмелетке толмаған қыздан түсініктеме алған. Тергеу барысында анасы қатысудан бас тартып, болған жағдайға байланысты адамдардың алдында қатты қысылып жүргенін айтқан. Сұрау салу аудандық отбасы және балаларды қорғау бөлімінің маманының қатысуымен жүргізілген.
Сол күні кешкі сағат 21:00 шамасында әйел дүкенге баратынын айтып, үйден шығып кеткен. Кейін ол үстіне бензин құйып, өзін-өзі өртегені белгілі болды. Ауыр күйік алған әйел ауруханаға жеткізілгенімен, дәрігерлер оның өмірін сақтап қала алмады.
