17 наурыз, 2021
Америкада небәрі 12 жастағы қыз бала мектепті мерзімінен бұрын тәмамдап, енді университетке түсуді жоспарлап отыр. Алдағы уақытта ғарыш әлемін игермек.
Алина Уикер есімді ақылды ару кішкентайынан Lego құрастырғанды жақсы көреді. Осы жасына дейін ол орта мектептің барлық бағдарламасын игеріп үлгерген. Енді білімін мемлекеттік университетте жалғастыруды жоспарлап отыр.
Дәл қазір астрономия, химия сынды пәтердерді ерекше жақсы көреді. Мақсаты — 16 жасқа толғанда NASA-ға жұмысқа орналасып, ғарыш әлемін зерттеуге арналған марсоходтар құрастырмақ.
"Жасыңыздың қаншада екені немесе қандай жоспарыңыздың бары маңызды емес. Бастысы армандай білсеңіз, барлық мақсатыңызға қол жеткізесіз", — дейді америкалық оқушы.
