«Абай Арена» емес «Елбасы Арена»: Семейлік депутаттар спорт кешенін Назарбаевтың құрметіне атауды ұсынды

Семейде көп ұзамай Назарбаев даңғылы пайда болуы мүмкін, бұл туралы Arnapress.kz жазды.

«Біз Қарағайлы ықшамауданындағы атауы жоқ көшелердің біріне Назарбаев даңғылы болғанын қалаймыз. Сондай-ақ Тұңғыш Президенттің құрметіне дәл сол ықшамаудандағы спорт кешеніне «Елбасы-Арена» деген атау беру туралы бастама көтерілді», — деді облыстық мәслихаттың депутаты Айбек Нұғымаров.

Назарбаевтың есімін беруді ұсынған Семейдегі мәдени-спорт кешенінің жұмыс атауы «Абай Арена» екенін атап өткен жөн.

Нұғымаровтың айтуынша, аталған атауды қолдайтын бастамашыл топтың құрамында 30-ға жуық адам бар. Оның құрамына ақсақалдар, депутаттық корпус өкілдері мен қаланың әлеуметтік белсенділері кіреді. Рас, осы идеяның бастамашыларын аты-жөнімен көрсету туралы өтінішке Нұғымаров абстрактілі түрде жауап берді.

«Олардың барлығы — мәдениет, спорт, барлық қала белсенділері тұрғысынан … Енді шешім қалалық мәслихаттың депутаттарында, содан кейін олар Астанаға жіберіледі, барлығы сол жерде шешіледі», — деп қорытындылады ол.