Өлең: Қалижан Бекқожин (Әнуар) » ZHARAR
Жігіт еді — әзілі бар, әні бар,
Жігіт еді — біздің ерке Әнуар.
Жігіт еді, боздағы еді халықтың,
Еркін, ерке жайраңдаған жаны бар.
Жүрегінен шаттық күлкі төгілген,
Ойнаушы еді келемеждеп өліммен.
Еркін сырлы ерке бөбек секілді —
Қайтып қана ол кетеді өмірден?
Қайғырмашы, Қалима сен, келеді ол,
Өмір десе өлмейтұғын ер еді ол.
Өмірі бар, жары да бар, досы бар,
Қайтып қиып мына бізді өледі ол?
Рахмет ретінде жарнамалардың біреуін басуды сұраймын!
Дереккөз: zharar.com
