Өлең: Қалижан Бекқожин (Сағынып мен күттім) » ZHARAR

0

Өлең: Қалижан Бекқожин (Сағынып мен күттім) казакша Өлең: Қалижан Бекқожин (Сағынып мен күттім) на казахском языке

Сағынып мен күттім,
Сәулемді, жарымды,
Отымен үміттің
Жандырып жанымды.
Көп болды кеткелі,
Бір хабар алмадым,
Сарғая күткелі
Көбейді арманым.
Үмітпен күн өтті
Бұлдырап сағымдай.
Өртеді — ау жүректі,
Қайтейін сағынбай…
Тарқатты сағымды
Сұрланып суық бұлт.
Күйдірді жанымды,
Әлді деп оны жұрт.
Ойға алып жұрт сөзін
Үмітім сөнбеді.
Мен күтсем сүйіктім,
Келеді, өлмейді.
Көп күткен ғашығын
Көруге ынтызар.
От майдан ашуын,
Басар да бір шығар.
Сағындым, мен күттім,
Сәулемді, жарымды.
Отымен үміттің
Тербетіп жанымды

Рахмет ретінде жарнамалардың біреуін басуды сұраймын!

Дереккөз: zharar.com