Жолаушы Қызылордадағы автобус апаты жайлы айтып берді  

0

Оқиға

Қысқа сілтеме алу

0 0 0

Қызылордадағы жол апатына көктайғақ себеп болуы мүмкін. Алайда көліктің техникалық ахуалы да күдік тудырып отыр

НҰР-СҰЛТАН, 4 желтоқсан – Sputnik. Қызылорда облысындағы жантүршігерлік жол апатынан сегіз адам жан тапсырды. Тағы 13 жолаушы хал үстінде жатыр.

Зардап шеккендердің барлығы вахталық тәсілмен жұмыс істеген мұнайшылар. Ажалдан аман қалғандардың айтуынша, автобус апатқа ұшыраған сәтте жолаушылар түгел ұйқыда болған. Көктайғақ жолдан басқа есте ештеңе қалған жоқ дейді зардап шеккендер.

«Түнде білмейміз ғой, арамызда ұйықтап кеткендер болады. Не жағдай болғанын білмеймін, жол көктайғақ еді. Кейін түсіп жолды ұстап көрсек, көктайғақ екен, сырғанап тұр. Басқа ештеңе есімде жоқ», – деді зардап шегушілердің бірі «Астана» арнасына.

Автобуста 36 жолаушы болған. Олар Шымкент, Тараз, Қызылорда және Түркістан облысының тұрғындары.

Автобус көктайғақтан апатқа ұшыраған деген болжам бар. Алайда көліктің техникалық ахуалы да күдік тудырып отыр.

Қызылордада 8 адамның өмірін қиған жол апаты: жаңа деректер шықты 

Тайғақ жолда аударылып қалған ввтобус биыл наурыз айында соңғы рет техникалық байқаудан өткені белгілі болды. Бірақ ережеге сәйкес, бұл тектес транспорттар алты ай сайын тексерілуі тиіс. Яғни мұнайшылар мінген көліктің техникалық жағдайы қыркүйекте анықталу қажет болған. Алайда  көліктік қадағалау инспекциясының ортақ мәліметтер базасынан оның тексерістен өткені жөнінде әзірге мәлімет табылмады.

Төтенше жағдайлар департаменті көктайғақ болатынын ескерттік деп отыр. Қазір оқыс оқиғаға қатысты сотқа дейнігі тергеу басталды.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз