«Жанымды қорлады»: танымал әнші Назима оған көрсетілген қорлық жайлы айтып берді — Қазақстан жаңалықтары

Black Star лейблінің жұлдызы Назима жас әнші Dequine-ді қолдап, өзіне жасалған қорлық жайлы айтып берді, деп хабарлайды Stan.kz ақпарат агенттігі.

Оқиға Шымкенттен елордаға бара жатқан пойызда болған. «Қазір есімде, таңғы 6-да мен әдейі бірінші болып жуынуға кеттім. Әжетханадан шыққан кезде жолсерік мені күтіп тұрды, менің жолымды бөгеп, менен әртүрлі нәрселер сұрай бастады, ол өте мейірімді, көңілді, әдепті көрінді, мен тәрбие көрген қыз ретінде, онымен амандасып, әрі қарай кетпекші болдым, сол сәтте ол менің шашымды иіскей бастады, әрине, мен бірдеңе дұрыс емес екенін түсіндім, сол сәтте ол мені ұрғысы немесе итергісі келді, мен оған қарағанда жылдамырақ болып, екі аяғының арасынан ұрып қашып кеттім. Нәтижесінде мен купеге жүгіріп келдім, жүрегім алып-ұшып, қатты соғып тұрды. Бұл жағдай жайлы әкеме айттым деп ойлайсыздар? Айтқан жоқпын және сол үшін әлі күнге дейін өкінемін! Біраз уақыттан кейін жолсерік біздің төсек жабдықтарымызды жинау үшін келіп, біздің отбасымызға ештеңе болмағандай күлді», — деп әнші өзінің Инстаграмдағы парақшасында бөлісті.

Назима үйге келісімен әпкесіне болғанын жағдайды айтып берді. «Мен бұл туралы анама тек осы жылы айттым. Сіз қорқынышты ештеңе болған жоқ деп ойлайтын шығарсыз, өйткені олар мені зорламады, бірақ психологиялық тұрғыдан 17 жасымда жанымды зорлады, маған жалғыз жүру қиын болды. Мен пойызға жалғыз мінбеймін, тек менің командаммен және міндетті түрде ер адам болу керек, ал егер мені қорғайтын адам болмаса, мен ешқайда бармаймын», — деп жазды ол.

Орындаушы қыздарды мұндай оқиғалар туралы үнсіз қалмауға шақырды. «Қыздар, бұл туралы үндемеудің қажеті жоқ. Сізге тез арада күресу керек, адамдарды шақыру керек, айқайлау керек, қалаған нәрсені айту керек. Үнсіздік танытпаңыз, бұл қорлықты жұтпаңыз! Ер адамдар басқа қыздарды, әпкелеріңдей, аналарыңдай, сыйлаңыздар, оларды ренжітпес бұрын қарындастарыңды елестетіңдер, бұл онша қызық емес екенін түсініңдер», — деді Назима.

Айта кетейік, Назима Алматыда «Өзен» лейблі ұйымдастырылған концертте Dequine әншісіне жасалған қорлықтан кейін, өз оқиғасымен бөлісуге шешім қабылдады. Қыз екі жас орындаушыдан қорлық көргенін айтты. Әнші олардың мінез-құлқына ашуланды. Орындаушы оның сөздерін дәлелдеу үшін жастардың видео және аудиосын қоса отырып, осындай жағдайға тап болған оқырмандарының жауап беруін өтінді.