«Жанұясы бола тұра, ортасына түспеңіз»: Жарқынай Ханайым ажырасқан азаматқа тұрмысқа шығу туралы айтты

Отандық танымал әнші әрі актриса Жарқынай Ханайым ажырасқан ер азаматқа тұрмысқа шығуға қатысты өз пікірін білдірді. Ол қыз-келіншектерге өзінің келелі кеңесін берді, деп жазады KAZ.NUR.KZ тілшісі.

Жарқынай Ханайым желіде оқырмандарын қызықтырған бірқатар сұрақтарға жауап беріп, өз ойымен бөлісті. Оқырмандардың бірі өнер иесінен ажырасқан ер азаматқа тұрмысқа шығу туралы сауал жолдап, оның пікірін білгісі келді. Әнші көп кідірместен нақты жауап беріп, өз ақылын айтты «Ең бастысы жанұясы бола тұрып ортасына түспеңіз. Заңды түрде ажырасып, үш жыл бойы қатынасы жоқ болса ғана ойланыңыз. Алдыңғы жанұясын неге бақытты ете алмағанының себебін біліп, ендігі жауапкершілікті түсінетініне көз жеткізсеңіз ғана келісіңіз», — деді ол.