Жанқош Тұраров Головкин мен Елеусінов арасындағы дауға пікір білдірді

GGG Данияр Елеусіновті өзінің бокс кешіне қатыстырудан бас тартқан болатын

Қазақстандық кәсіпқой боксшы Жанқош Тұраров соңғы кездері елді елең еткізген Геннадий Головкин мен Данияр Елеусіновтың арасындағы дауға өз пікірін білдірді, деп хабарлады Prosports.kz.

«Геннадий Головкин кімді андеркардқа қояды, кімді қоймайды, өз еркінде деп ойлаймын. Бәрі өзіне байланысты. Бұл оқиға жайлы басқа айтарым жоқ», — деді ол орталық коммуникациялар қызметіне берген сұқбатында.

Естеріңізге сала кетейік, Данияр Елеусінов 8 маусым күні Головкин – Роллс жекпе-жегінің андеркардында өнер көрсетуі тиіс болатын. Алайда Головкин мен оның промоутері Том Леффлер Елеусіновтің менеджментін кәсіпқой емес деп тауып, бокс кешіне қатыстырудан бас тартты.