«Жала жауып отыр»: Өгей анадан қорлық көрді деген үш қыз ешкім күтпеген мәлімдеме жасады — Қазақстан жаңалықтары

Апалы-сіңілі үш қыз бүгін Шымкентте психиатриялық сараптамадан өтті. Қоғамда қызу талқыға түскен тағдырларға жеткіншектер жалған жанашырлардың араласпауын өтінді. Сенімді өкілдерімен арнайы келіп сұхбат берген балалар бұл жағдайға туған аналарын кінәлап отыр, деп хабарлайды Stan.kz ақпарат агенттігі 31 арнаға сілтеме жасап. 

Таңертең өткен психиатриялық сараптаманың қорытындысы қашан шығары белгісіз. Бұл туралы сарапшы мамандар да жақ ашпады. Комиссия тексеріске түсіру тобын қатыстырмады. Бұдан соң жеткіншектер таралып жатқан түрлі ақпаратқа қатысты сұхбат беруге сенімді өкілімен бірге келді. Айтуларынша, әлеуметтік желіде әкелеріне жала жабылып жатыр.

Бірінші әйелін таяқтың астына алып, дәстүрлі емес дінді ұстанып, үйінде жиын қылып, қала берді өз қыздарын ұрды деген уәжбен келіспейміз деп отыр қыздар.

«Мұндай ешнәрсе болмаған. Неге өзінің ұрғаны туралы айтпаған? Соған жыным келіп отыр. Мені әкем өзінің қасына алып жатып, өзі қарап жүрді. Әкемнің ескерту жасайтыны болмаса, былайынша ұрыспайды, ұрмайды. Біздің әкемізге жала жауып отыр», — дейді жетісайлық жеткіншек.