Жайық өзенінің су деңгейі тағы да 50 см-ге көтерілді

Орынбордағы Жайық өзенінің деңгейі өткен түнде 50 см-ге, 965 см-ге дейін көтерілді, деп хабарлады қала басшысының бірінші орынбасары Алексей Кудинов.

10 сәуірге қараған түні қалада тағы 300-ден астам үй су астында қалып, 10 тұрғын шығарылды.

Жақын арада Орынборда тағы 200-ге жуық жеке үй иелерін су басуы мүмкін, деп хабарлады қала әкімінің бірінші орынбасары.

«Су деңгейі әлі де көтеріледі (Жайық өзеніндегі су — ред.) және жақын арада су 30 — дан 70 сантиметрге дейін артады деп болжаймыз», — деді Кудинов.

фото: ria.ru